細的喜悅

屋，老土咁講，真係未必大好。以前住細屋一樣咁開心，生活一樣咁溫馨，同樣可以咁放縱。記得最初搬入去，頭幾個月都冇乜點瞓過，因為擁有自己嘅竇實在太興奮，晚晚打機、睇碟、聽歌、打碟、彈野，同張橩影相都可以玩一晚。

依家間屋大咗一倍，個人開心度冇成正比多咗一倍，反而做嘅家務又多又辛苦（因此最近頂唔順搵人做），書房大咗但雜物又多咗，衣櫃大咗但著嘅衫又來來去去果幾件。以前睇書曾經有人講過︰「我地買嘅嘢，90%都係廢物。」講開心，其實以前住公屋仲開心......你話我幾犯賤。